JDS Sinhala

කාල රේඛාව

සුනම්‍යව පැවැති කාල රේඛාව
බිඳී ඉහිරී
'යමි' යි සිතාගෙන
කඳු මුදුන්, සාගර පතුල් පිරික්සුවද
කිසිවකු මා භාර නොගනී

පැටි වියේ පටන්, ඒ එලෙසම ය
'කිසිවකු ඔබව භාර නොගනී'

කරගැට තියෙන ගැහැනියක්

උභයාන්සික මෙහෙණියක්
කරගැට තියෙන ගැහැනියක්
උමතුවට පත් වෙච්ච දාසියක්
ඌරූවිසි කුලේ උලීක්කාරියක්

ඌණ සංවර්ධිත
උල්කාපාත වූ තරුවක
උප ග්‍රහයන් රොත්තක

නිවාඩුව

කලකට වරක් සති අන්තයක් පැමිණෙයි
ඉර හඳ තරු නොපායන
සිතුවිලි ගාල්කර දුම්රිය මැදිරියක
තබා හදවත කඳු පාමුල
දුම්රිය ගාටයි කඳු මුදුන් නගරයට

කවුලුවෙන් හොර හොරෙන් එබෙන්නෙම
මට ඔච්චම් කරන්නද ඉද්ද මල් සුවද?

අනන්ත වූ ශෝකයේ කාව්‍යය

කව් අතර සෝ බරම කව
ලිවිය හැක මට අද රැයේදී
අනන්ත වූ ඈත සිට
නිල්වනින් දිලිදිලි සැලෙන
තරු සපිරි රැයක් ගැන
ලියන්නට හැකිය මට
නිශාවේ මාරුතය
අහස තුළ සුළි නගයි ගී ගයයි

මගේ මාතෘභූමිය

ළමා කළ මනඃකල්පිතයන්ගේ
කැබැලිති අතර
කිසිවක්ම සිදුවෙතැයි
මට බැරෑරුම් ලෙස නොපෙනෙන
මගේ මාතෘ භූමිය මත මම  ඇවිද යමි
ක්‍රිස්තු වර්ෂ අතර
මා ඇදගෙන යනු ලැබූවෙන්
මම විඩාපත් වී සිටිමි

Pink

අහස නිල් මකරුන් සේනා වැන්න
පොකුණේ නිල් දිය කළත්තන සමච්චල් හඬ
නිල් කඳු දඹරැ'ඟිල්ල පෙන්නා කරන තරවටුව
නිල් පැහැයමයි මේ ලොව වසාගත් යෝධයා

රෝස බෝනිකි කෙල්ලකගේ
අත් පා කඩා දැම්මත් දඩබ්බර කොල්ලෙක්
රෝස කම්මුල් තෙමුණත් කඳුළු බිඳුවකින්