මකුළුවා - බැටළුවා - කොටළුවා - දළඹුවා සහ පිනි මුවා
- Post 10 August 2018
වරක් ඇටවූ දැලක්
යළිත් ගෙන හකුළුවා
තව තැනකට ගෙන නොයයි
මකුළුවා
ලොම් කපන කටර් එක
ස්ටාර්ට් කළ හඬින්
හිම පැහැති සිහිනයෙන්
අවදිවෙයි බැටළුවා
තණ බබල්ගම් හප හප
තවලමේ යන ගමන්
අනිත් තවලම්වලට
විරිත්තයි කොටළුවා
අලුත් ආණ්ඩුවෙ උයනේ
මයික්වල රොන් උරයි
පෙර පැවති ආණ්ඩුවෙ ඇඟපතේ
පලු මැවූ දළඹුවා
දැන් ඉතින් මදැයි ඔය මෙතෙක් කල් ලද තෑගි
මේ පාර නත්තලට
තෑගිත් අරගෙන බලන්න යං අපි
තෑගි ඇදලම වැහැරිච්ච පිනි මුවා ...........!
රුවන් බන්දුජීව
© JDS
