JDS Sinhala

මෝදක සරත්

ඉළන්දාරී හැන්දෑවේ
පොල් මෝලේ
කොප්පරා සුවඳ හා සීනුව
අවසාන කණිසමට කෑ ගසයි
ටියුබ් ගෙවුන සයිකලේ පාගා
ඉගිල යයි
මිටින් හල ගිනි කුරැල්ලෙකු ලෙස
සරත් ටවුමට

දිවි මාලිමාවෙහි වත

මගේ වමතට ඉදිරියෙන්
තල් අරඹෙහි රුවා ඇත - උතුරු කොන
මගේ සුරතට ඉදිරියෙන්
සිඳු වාටියෙන් මායිම්ව ඇත - දකුණු දිග
කොහේ කොතැනක කොහෙට හැරුණත්
හැමවිටම පෙරඹරට මුහුන දී උදාරම් ලෙස - මම
ලපටි කල මා විසූ කුඩා ලොව

ඉඟිකරන ඉරි කමිස

ඉඟි කරන්නට එපා ඉරිකමිස!
හෙම්බත්ව දුම් බැඳුන,
වැරැහැල්ලක් වෙලා හිත,
අම්බානක කේන්තියි,
පුම්බගෙන වැහි හලන අහසත් එක්ක,
ඉතුරු රුපියල් හතරට,
හැංගිමුත්තං කරනත'ර කොන්දොස්තර,
දැන් ඉතින් ඔබ ඔය කියන්නේ..

හැඳුනුම්පතක කටහඬ

සියල්ලට පෙර ලියාගනු හැක!
අරබ්බෙක් වෙමි මම.
මගේ හැඳුනුම්පතෙහි අංකය පනස්දහස ය.
අට දෙනෙක් වෙති දරුකැළ
ගිම්හානෙකින් ඉක්බිති
නවවැනියාද පැමිණෙත.
ඔබට තරහද?
ලියාගනු හැක!

සෞන්දර්යයක වේදනා රිදුම්

ඇදල ඇදල ම පැණි වතුර
විඩාබර බඹර තාත්තෙකු
හති අරියි රෝස පෙත්තක වාඩිව
එය මහරු සෞන්දර්යයක්
විය හැකිය ඔබට...

ළදරු පතකට ඉපදෙන්න
හලලා හලල ම කොළ

ඔබ නිදා හුන් තැන

අම්මා ඇවිද යයි
වෙරළ මත...
පෙණ කැටි
බිඳී විසිරෙයි
දිය බිඳක් එකතු කරමින්
සුළඟට.....
හිරු එළිය
වෙරළ මත වැතිරි උදයක