JDS Sinhala

ඉතින් නික්මිය හැකිය

 

වසන්තය මැද වුවද
ඉතින් කම් නැත සොඳුර
නුඹට රිසි නම් නික්ම ගිය හැකිය...

ඉවුර අස උණ පඳුරු
නුඹ ව විමසිය හැකිය;
උද්‍යාන බංකුවට
අපව සිහිවිය හැකිය;
එහෙත් මට නිහඬවම සිටිය හැක

වසන්තය මැද ඇසෙන
සොඳුරුතම කුරුළු ගී,
කහ පැහැති මල් පිරුණු
ලිය මඬුළු, ආරුක්කු
මගැ‘ර පිට පාරකම ගිය හැකිය

අතරමග මුණගැසෙන
පෙම්වතුන්, හිතවතුන්
හුරුපුරුදු නුඹ නොමැති
කරුණු විමසන කල්හි
සිනා සී කුමක් හෝ කිව හැකිය

සියවසක් තැත් කළද
යළිදු සැකසිය නොහෙන,
බිඳුණු හිත් කවුළුවෙන්
ඇතුළු හදටම වදින
රුදු මතක රළ පෙළින්
මුවා විය හැකි මගක් කියා දී;
වසන්තය අතරමග
ඉතින් රිසි නම් නික්ම ගිය හැකිය...

 

සෞම්‍ය සඳරුවන් ලියනගේ


© JDS

 

left

Journalists for Democracy in Sri Lanka

  • ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ (JDS), ලොව පුරා ජනමාධ්‍යවේදීන්ගේ අයිතීන් සුරැකීමට කැප වූ 'දේශසීමා රහිත වාර්තාකරුවෝ' සංවිධානයේ ශ්‍රී ලාංකික හවුල්කාර පාර්ශ්වයයි.