සීත මීදුම් තිරපට
ලිහි ලිහී විසිරෙන
රිදී නිම්නය ඇහැරෙයි
ම්යුගේ* සැමරුම් සුවඳට.....
වසන්තය එන බව
සීනුව ගසා කීවද
නිහතමානී සුවඳින්
හිස පහත් කරගෙන....
'මැයි පළමු දා' දවසක
ඇයි ඔය දෑත් බැඳගෙන
එන්න අත් විහිදන්
ම්යුගේ මුකුටය තුරුළට...
සිලිටි පත් හැඳගත්
වසන්ත දසන් මැදගත්
කිනිති සුද ඉහිරන
මේ මල් කළඹ ඔබට ය
අත් හැරලන්න බැරියෙන්
ආදරය සමරමු...................
තෙත්බර සිලිටි මල් පෙති
නෙත් පියන් යට අහුරමු.
මංජුල වෙඩිවර්ධන
© JDS