හඬ නඟන තරු ඇස
- Post 04 December 2020
ඇ
ද වැටුණු තරු සුසානය ළඟ
අහස් බලකොටුවක සිරගත
තාරකාවකි තනිව ඇවිළෙන
සඳ දිය පවා දැදුරුව
අතුරුදන් වෙන මොහොතක
විෂ හී උල්කාපාත වැසි මැද
හඬ නගන ඒ තරු ඇස
හද බිඳෙන මළ පාළු රෑ යම
මියෙන තරු ඇහැරවන
හඬ නගන ඒ තරු ඇස
බියකරු ම නිහඬ සලුවෙන් වැසුණ
දුක්බර ම මතක අමතකව ගිය
පොලෝ ගැබ පහළිනි- නින්දෙනි
එනමුදු තනි තරුව නොනිවෙයි
අහස් බලකොටුවේ අන්ධකාරේ
සිරගතව දැවි දැවී ඇවිළෙයි
ඒ හඬ කිසිත් නොමියෙයි
කිරි සයුර පවා කැලඹෙයි!!!
කත්‍යානා අමරසිංහ
© JDS
